派利是=派大树？
白话广州
◎闻歌 媒体人
“几十个，个个都咁精美，掉咗佢实在太可惜”，前几日，听到两位邻居倾计，讲起刚刚过去嘅新年，佢地细路储咗一大叠利是封，唔知道点处理先好。重复利用，又觉得有点旧，“拎唔出手”。
新闻话，香港人今年消费咗1.8亿个新嘅利是封，相当于消耗近万棵大树！ 呢个数字实在好得人惊，但系估计亦唔系夸张。粤港嘅文化，讲究吉利：新年大头，无论系亲朋好友，定系同事客户，见面都会俾一封。加上，唔少企业（尤其系银行），甚至已经将利是封当做一种广告媒介，每年向客户派发大批新嘅封套。可想而知，当中消耗量有几大。
利是封嘅使用，其实可以借鉴近几年嘅环保购物袋。限塑令推行，唔少人觉得循环利用好有必要。所以，我赞成响设计同生产利是封嘅每一个环节，都应该考虑到循环再用嘅可能，譬如少用黏贴式，多用插口式；太过“个性化”嘅封套，比如姓氏、生肖之类，尽量少用。屋企嘅靓仔靓妹，收咗利是，可以建议佢将利是封妥善保管，交俾大人重复利用。
仲又一样嘢，就系观念嘅革新。新年讲究“新”，但系呢个“新”，唔一定系指物品，仲可以系新作风，新时尚。对环境友好，其实就系对外界最好嘅一种祝福。而且，利是讲求嘅系心意，唔在于太精美嘅形式。讲句市侩嘅话，逗利是嘅细路仔，最关心嘅，其实唔系“利是皮”，而系利是嘅“馅”。佢地都唔介意，你又何必咁在意呢？
免责声明：本文仅代表作者个人观点，与凤凰网无关。其原创性以及文中陈述文字和内容未经本站证实，对本文以及其中全部或者部分内容、文字的真实性、完整性、及时性本站不作任何保证或承诺，请读者仅作参考，并请自行核实相关内容。
- 社会
- 娱乐
- 生活
- 探索
网罗天下
频道推荐
商讯
48小时点击排行
-
706809
1女人心声：追求美丽是件痛苦的事 -
437124
2春天常吃10种蔬菜可帮你补足“阳气” -
431278
3美国华人圈屡现临时夫妻 专家：谈道德 -
386713
4姜培琳：从传奇超模到豪门CEO -
346637
5Gucci 2014米兰秋冬发布 -
272133
6普京绯闻女友时尚品味不输名媛 占领时 -
268855
7死亡真相：人在临死前10秒真实感受 -
203407
8肚脐形状辨疾病：哪种形状暗示有妇科病
